Un mar de vida

Goza das posibilidades da maior cidade de Galicia

Vigo está chea de sorpresas. É un dos destinos imprescindibles de turismo urbano do norte de España e a maior cidade de Galicia: o mellor dunhas vacacións en Vigo é a enorme variedade de servizos e propostas de ocio que atoparás. Ademais do seu marabilloso contorno natural, as súas famosas praias de Vigo e as súas Illas Cíes, descubrirás unha auténtica cidade industrial: dinámica, emprendedora e vangardista.

Cidade con carácter, Vigo conxuga tradición e innovación na súa particular idiosincrasia e ofréceche todo un abanico de posibilidades: como mergullarte nas rúas do Vigo Histórico ou pasar unha mañá de compras, axexando polos mercados semanais ao aire libre nos barrios. Percorrer un sendeiro natural en pleno centro da cidade, como no monte do Castro, ou descubrir unha cidade universitaria espectacular, gozar cun equipo de fútbol na primeira división e coñecer unha industria histórica de pesca, motor e innovación.

En definitiva, chegaches a unha cidade para vivir, unha cidade única, á que debes entrar deixando atrás todos os estereotipos… porque Vigo é distinta a todas.