Mergullar na ría de Vigo

Déixate guiar polos restos dos naufraxios da ría

Queres mergullar na ría de Vigo? Hai varias empresas de submarinismo coas que podes contactar para explorar o rico patrimonio subacuático da ría de Vigo ou dar unhas clases de iniciación ao mergullo e descubrir a riqueza do Atlántico. Se te van as grandes inmersións, poderás ver auténticas xoias submarinas como os restos do naufraxio do Southern Cross, vapor afundido a principios do século XX, ou o buque corsario da flota do británico Francis Drake, condenado ao fondo da ría en 1589 tras atacar Vigo.