Parque da Alameda

A Alameda é o parque do Ensanche, en pleno centro de Vigo: o parque urbano máis pequeno e elegante da cidade, no que se agocha un zoo de pedra con algunhas especies xamais vistas en Galicia (como a hiena, esculpida por José Luis Medina). Ten ademais un xardín botánico no que o aroma das flores de temporada se mestura co olor ancestral de árbores centenarias como as camelias e magnolios. Arredor da gran fonte central hai tres esculturas do artista vigués Camilo Nogueira: Maternidad, Paz y Despedida; e unha estatua de Méndez Núñez, un famoso mariño vigués que liderou a viaxe da fragata Numancia para converterse no primeiro acoirazado en dar a volta ao mundo.