Cómo moverse en Vigo

Para moverte por Vigo, o máis sinxelo é utilizar o transporte público —bus e taxi— ou o teu vehículo particular, ben sexa moto ou coche de aluguer. Circular por Vigo é fácil, no entanto, recomendámosche que descubras a cidade camiñando, pese a esas costas que a fixeron famosa: Vigo ten miles de recunchos que poderías perderte se non a percorres andando. Como o mosaico de Domecq, que adorna un muro da rúa Policarpo Sanz, ou os impresionantes sendeiros que serpean polo monte do Castro para subir ao miradoiro sobre a ría de Vigo.

O coche de aluguer e o transporte público son unha opción excelente sobre todo se fas turismo fóra do centro de Vigo: o bus urbano chega a todos os barrios de Vigo, e moverse en taxi ten un prezo moi atinxible.