Visita ao porto para escolares

Esta visita guiada polo porto de Vigo está especialmente deseñada para escolares e veciños de Vigo. E é que o porto pesqueiro de Vigo é, ás veces, incluso un gran segredo para os vigueses. A ruta permite ver desde dentro como se traballa co peixe que cada día se desembarca en Vigo antes de partir cara a todo o continente.

Que fan os mariñeiros de Vigo? Como traballan? No porto de Vigo desenrolan o seu traballo diariamente máis de 2.000 persoas que descargan, preparan, venden e empaquetan o peixe. Con esta visita guiada poderemos descubrir os seus espazos de traballo, habitualmente restrinxidos. Mariñeiros, armadores, escabicheiros, carreteiros, despezadores, poxadores, viveiristas, pescantinas e un longo etcétera de profesionais ligados ao traballo da lonxa compartirán ruta contigo.