Onde durmir en Vigo

Durmir en Vigo é moi económico e cómodo. Se nunca viaxaches a Galicia ou a España con anterioridade, sorprenderache a estupenda relación calidade-prezo dos aloxamentos de Vigo, que superan o estándar por categoría de moitas cidades europeas. Isto, unido ao popular carácter hospitalario dos vigueses, farate sentir como en casa durante a túa estadía en Vigo.

En todo o concello atoparás aloxamentos na praia, en pleno centro urbano ou no contorno rural. Desde hoteis para congresos ou reunións, equipados e de gran capacidade, a íntimos aloxamentos para unha escapada en parella. 

Como todas as cidades con encanto, a oferta hoteleira de Vigo vai desde o luxo máis exquisito -con dous hoteis de cinco estrelas- ata os prezos máis atinxibles. Se viaxas a Vigo sen aloxamento reservado, non terás problema en atopar un que se adapte a ti porque a oferta é amplísima.

Se buscas un aloxamento económico en Vigo para unha viaxe cun grupo de amigos, podes elixir entre albergues, hostais ou cámpings. É unha opción perfecta se viaxas coa túa mochila ou en parella, e gústavos ir ao voso aire.

Se buscas algo máis romántico, podes escoller algún aloxamento en primeira liña de praia, un hotel con spa ou quizais un pequeno hostal familiar nun contorno natural.

Explora as opcións, seguro que atopas o teu sitio.