Mosterio da Visitación

O Mosteiro da Visitación das Salesas Reais é unha visita imprescindible para os amantes da arquitectura relixiosa en Vigo. A cidade sempre tivo debilidade polas obras do arquitecto Antonio Palacios, que deixou en Vigo algúns dos seus traballos máis belos. O Mosteiro da Visitación é un deses exemplos: construído en 1942, nun dos barrios tradicionais de Vigo, Teis. É un edificio de estilo rexionalista, cun certo aire medieval, para levantalo usáronse os sistemas construtivos tradicionais galegos, o que o converte nunha peza valiosísima do nosos patrimonio relixioso.

Construíuse co material autóctono por excelencia, o granito, e na súa fachada usáronse as pedras tal e como saen da canteira, sen pulir, o que consegue ese inconfundible efecto rústico, tan característico deste mosteiro, no que só se aprecia o traballo dos canteiros nos vans.