Mercado do Progreso

O céntrico mercado do Progreso levántase no solar onde a principios do século XX estaba o antigo mercado de alimentación, cuxa tradición se mantivo. É quizais a praza de abastos máis coñecida e concorrida de Vigo pola súa excelente localización en pleno Ensanche, e foi o primeiro que introduciu a novidade de instalar un supermercado no seu interior, para facilitar as compras e atraer a máis clientes.