Igrexa Románica de Bembrive

Esta pequena e fermosa igrexa románica de Bembrive preside a parroquia viguesa desde o século XII e é unha das mostras de arquitectura relixiosa en Vigo máis significativas.

É moi probable que esta igrexa románica de Vigo se erixira sobre un templo máis antigo de actividade monástica, xa que o topónimo do barrio onde se asenta a igrexa, Mosteiro, así parece indicalo.

Se decidiches pasar o día visitando a verde parroquia de Bembrive, non dubides en achegarte ata este templo, que se levanta nunha soa nave e en cuxo tímpano encontrarás unha cruz moi curiosa, de reminiscencias celtas. Tamén hai outros símbolos (espirais e círculos) no interior, polo que os historiadores creen que antes desta igrexa románica existía outro de templo de inspiración celta e orixe paleocristián. Na fermosa ábsida poderás contemplar figuras vexetais e antropomorfas.