Club Liceo Marítimo de Bouzas
Coñece o histórico Liceo de Bouzas
O Liceo Marítimo de Bouzas é outro dos históricos portos deportivos de Vigo. Destaca especialmente pola súa localización, na costa sur da ría de Vigo, onde segue sendo un elemento capital da vida social e cultural da vila mariñeira que o acolle: o barrio de Bouzas.
No porto deportivo Club Liceo Marítimo de Bouzas encontrarás á túa disposición todo o que necesitas para gozar con garantías dunha viaxe náutica a Vigo: servizo de mariñeiría 24 horas para embarcacións, traslado gratuíto desde o fondeadoiro ás instalacións de terra do porto, 168 prazas de amarre con auga e electricidade, 95 cadeas de fondeo, unha rampla para varadas, vestiarios e taller de reparacións.
Aínda que non pertence ao Club, dentro da dársena de Bouzas existe unha completa gasolineira de mar na que poderás encher o depósito coa túa embarcación.
Aproveita a túa parada náutica en Bouzas para descubrir todo o que pode ofrecerte este barrio mariñeiro de Vigo: tendas, mercado de abastos… e exquisitos restaurantes típicos, perfectos para un aperitivo antes de saír a navegar pola ría de Vigo.
Información práctica
-
Avda. Eduardo Cabello, 8
-
Teléfono:986 232 442
-
Fax:986 239 955
-
Correo electrónico: