Salinae

Descubre as salinas romanas de Vigo

Outra das grandes citas coa arqueoloxía en Vigo é Salinae: un interesante percorrido pola única salina mariña de evaporación solar conservada e musealizada de todo o Imperio Romano.

Este xacemento arqueolóxico de Vigo, polo seu excelente estado de conservación, permite entender o funcionamento dunha instalación salineira e como os romanos producían sal na superficie das cubetas.

A exposición ofrece, ademais, a posibilidade de descubrir o interesante mundo do sal, a súa historia, algúns dos sistemas empregados para a súa obtención e os diferentes usos que os romanos en Vigo deron a este importante produto.

Se vés en grupo, consulta as visitas guiadas no 986 247 691.

Pistas e recomendacións:

Salinae forma parte, xunto ao xacemento do Castro, ao do Museo do Mar e á Villa Romana de Toralla, dun trazado arqueolóxico moi completo polas orixes de Vigo.

É un centro adaptado a persoas con problemas de mobilidade.

Galería de imaxes: