ESTE SAN VALENTÍN REGALA VIGO
Mardi, 30 janvier 2024
![Turismo de Vigo](https://turismodevigo.org/sites/turismodevigo/files/styles/large/public/puesta_sol_pareja_samil.jpg?itok=w_79d4bi)
Queres volver namorar? Vivir un San Valentín diferente? Aquí tes algunhas ideas para que gocedes dunha escapada inesquecible ao corazón das Rías Baixas.
Para animados: tapeo + marcha nocturna.
Se queredes pasar unha fin de semana máis movida, non dubidedes en achegarvos á zona histórica de Vigo. Alí atoparedes multitude de taperías nas que saborear os produtos típicos da nosa gastronomía. Pedide un desexo brindando con algún dos nosos licores e estaredes preparados para saír de marcha pola “cidade que nunca dorme.”
Para tensos: spa + terraza Skyline.
Non todo vai ser traballar. Vigo ofréceche spas urbanos nos que gozar de tratamentos en parella que vos deixarán como novos. E antes de ir durmir, un cocktail no bar – terraza Skyline do Gran Hotel Nagari ou Hotel Maroa faravos “tocar o ceo” mentres gozades dunhas incribles vistas sobre a cidade e a súa Ría.
Para bohemios: Museo do Mar de Galicia + Bouzas.
Nada mellor que unha visita ao Museo do Mar para comprender a estreita relación de Vigo co Átlantico. Non vos perdades o seu faro, lugar desde o que veredes outros faros, vellas fábricas, praias, barcos, xentes de mar.
Moi preto de alí, atoparedes o barrio mariñeiro de Bouzas. Perdédevos polas súas rúas, percorrede o seu paseo e, por suposto, non dubidedes en sentarvos nalgunha taberna tradicional e gozar da máis pura cociña mariñeira.
Para aventureiros: paseo en avioneta.
Necesitades liberar adrenalina? Sorprende á túa parella cun San Valentín de vertixe. Regálalle un amencer ou un atardecer sobre a Ría de Vigo desde unha avioneta. Se ademais vos gusta a fotografía, non esquezades a vosa cámara. Poucas veces poderedes inmortalizar paisaxes e momentos como este. Atrevédesvos?